سمعتك ... لكن انا مين هيسمعنى ؟؟ (تعالي هنا وكلنا كلنا هنسمعك)

السلام عليكم ورحمة الله وبركاته


سمعتك
حين عبرت عن حزنك لفقدان أعز الناس على قلبك ..
حين فقدت من ملك كل عواطفك وأحاسيسك ..
لكن انا ..
من سمعني حين فقدت اغلى انسان على قلبي ؟؟
تعالي قول وكلنا هنسمعك
رأيتك
حين ذرفت دموعك الحارة على خديك أمامي ..
حين بكيت وبكيت حزنا على قلب أعطيته لشخص لم يقدره ..
لكن أنا ..
من مسح لي دمعتي حين صعقت بقلب جرح لي كل مشاعري ؟؟
تعالي ابكى براحتك وهنمسح دموعك للصبح
أحـسست بك
حين ودعت صديق غالي على قلبك لن تره بعد الان..
حين حاولت رفع يدك لتودعه لكن يدك لم تقوى على البعاد
لكن أنا ..
من أحس بهذا القلب المكــسور بعد فراقه أعز الاحباب على قلبه ؟؟
تعالي هنحس بيك وهنساعدك ان شاء الله
بكيت لأجلك
حين رأيتك تذكر محبوبك الذي غادر هذه الدنيا
غادرها ليترك وراءه قلب مكـســـور الخواطر ..عين ممتلئة بالدموع ..
جسد فقد احاسيسه ومشاعره
لكن أنا ..
من بكى لأجلي حين فقدت الحب الأول والأخير لي في هذه الدنيا الحزينة ؟؟
اهئ اهئ اهئ
كلنا هنشاركك وهنبكى معاك ونقلبه ميتم
وقفت الــى جانبك
حين وقعت في قفص الخيانة ..
حين انفطر قلبك لخيانة شخص ..
كنت قد أهديته قلبك ..
كنت قد منحته مشاعرك لكنه تلاعب بها كالدمية الصغيرة..
ولكن أنا ..
هل وقفت الى جانبي حين أصبح قلبي الحساس لعبة في يد أعز الناس على قلبي ؟؟
لا احنا جدعان اوى وهتلاقينا جمبك في اى وقت
لو احتجت لأى حاجة أى حاجة في الدنيا
هتلاقينا جمبك بنخاف عليك ونساعدك ونريحوك :d


الموضوع ده لأى حد عنده مشكلة عايز يقولنا عليها يتفضل يحكى ويفضفض ويقول كل اللي عنده
سواء مشكلة عاطفية .. اجتماعية .. اى حاجة
واللي هيحس باحراج انه يحكى ممكن يبعتلي ع الخاص مشكلته
واانا هحطها هنا وطبعا مش هقول علي اسمه ايا كان

_________________