الفرق بين موبايل البنت وموبايل الولد

هاى يا بناويت وياشباب عشان محدش يزعل

انا النهارده جايه اقولكم الفرق بين موبايل البنت والشاب

اكيد فى اختلاف شاسع طبعا كاعادتى طبعا

ماعلينا

اولا نبتدى من اول ما الموبايل هيرن

طبعا هنبص للبنت هنلاقى اكيد الرنه لاليسا او طبعا اجمل احساس

او هنلاقى الرنه لجنات بحبك حاجه كده بناويتى ( فى بنات برضوا بيحطوا القطه المشمشيه)

نبص لموبايل الشاب هتسمع صوت غريب بيغنى طبعا هتلاقى انك بتسمع عبد الباسط حموده
وهو بيقولك انا مش عارفنى
ولا هتسمعلك واحد بيقولك من حق الكبير يدلع
وياسلام بقى لو لقيت حد بيغنى اغنيه حلوه اغنيه رومانسيه مثلا لو سألته مين بيغنى اكيد هيقولك الاغنيه دى نزلت غلط على المحمووووووووول

ثانيا بقى نشوف الخلفيه

هتلاقى البنات طبعا حطالك صوره طفل يجنن او صوره قلب

طبعا هنلاقى الشاب حاطللك صوره جون سينا ولا صوره فيلم اجنبى x-men مثلا حاجه كده غريبه
ثالثا بقى نشوف الاسامى الموجوده على الموبايل

طبعا وده اكيد هتلاقى ع موبايل البنت

توتا

سكره

بوسى كات

وساعات مدام سعاد ( دى بتاعت الكوافير)

او ساعات الست فاطمه( دى الجاره العزيزه الى بتنقلها اخبار الشارع)

وهتلاقى برضوا على موبايل الشاب

طحينه

ادهم وسع

واحمد بخه

وبارانويا

واسامى غريبه كده
رابعا (( الشكل الخارجي ))

طبعا البنات اللون احمر او وردي او ابيض

اكسسوارات حتى في الموبايل

ملصقات حروف وغيرهن وغيرهن

نبص بقى للشاب تلاقى يا عينى

الموبايل مشتكى منه

ومتكسر من كل ناحيه
ولونه اسون لون سواد الليل وممكن اسود

وتلاقيه يا عينى فيه كاميرات كتير
يعنى تبصى فيه متعرفلوش وش مش ضهر

خامسا(( المسجات ))

طبعا نبص للبنات
كلها مسجات حب وغرام وغزل (يعني كله رومانسي برومانسي )

لكن نبص لمسيجات الشاب تلاقيلك مسيجات غريبه وه وتلاقيها كلها نكت بايخه مش عارفه مين ضحك عليهم وقالهم انها نكت اصلا
سادسا مكان وضع الموبايل

طبعا البنات طول اليوم فى الايد

بس ساعات بيفترقوا يا عينى لما بتنام

بس برضوا بيبقى تحت المخده

اما الولاد طبعا طول اليوم اكيد الموبايل فى جيبهم يا عينى

يا اما فى اى مكان يقعدوا فيه يرموه ادامهم

وساعت وقت النوم بقى

هنا يختلفوا عن البنات مبيحطهوش تحت المخده عشان الازعاج

وعشان طبعا وقت صلاه الفجر محدش يزعجهم ويتصل بيهم عشان ينزلوا يصلوا

يارب الموضوع يعجبكم